Organización Interna
Quen somos? Coñécenos!
Colexio Profesional de Hixienistas Dentais de Galicia
Grupos de traballo e Comisións
A continuación atoparás a descrición e os detalles de cada unha das comisións de traballo que puxemos en marcha no Colexio. Cada comisión está aberta á participación das persoas colexiadas interesadas e contará coa coordinación dun membro da Xunta de Goberno.
Comisión de Atención á Persoa Colexiada
Coordinadoras: María Del Valle Martínez y Loly Caamaño.
Mail:: comisionatencioncolegiado@hidegal.com
Obxectivo: Canalizar as inquedanzas e propostas de mellora das persoas colexiadas, fortalecendo a proximidade e a atención personalizada do Colexio.
Posibles actividades e proxectos:
- Recoller e analizar suxestións a través da caixa de correos de colexiados.
- Coordinar enquisas de satisfacción para detectar oportunidades de mellora.
- Propoñer e poñer en marcha novas ferramentas ou servizos de apoio para colexiados.
- Organizar sesións informativas para resolver dúbidas frecuentes.
- Facilitar a integración de novos colexiados mediante guías ou reunións de benvida.
Comisión de Periodoncia e Implantología
Coordinadora: Ainoa Vázquez.
Mail:: comisionperiodoncia@hidegal.com
Obxectivo: Fomentar a formación e a actualización continua en mantemento periodontal e coidado periimplantario, colaborando con especialistas e entidades vinculadas.
Posibles actividades e proxectos:
- Organización de cursos e talleres sobre mantemento periodontal e implantolóxico.
- Desenvolvemento de guías de actuación para a consulta clínica.
- Colaboración con periodoncistas e implantólogos para formación e protocolos conxuntos.
- Creación de material informativo para pacientes con enfermidade periodontal ou implantes.
- Impulso á participación en congresos e xornadas científicas.
Comisión de Ortodoncia e Odontopediatría
Coordinadora: Diana Vidal.
Mail:: comisionortodonciaodontopediatria@hidegal.com
Obxectivo: Impulsar a formación específica e a participación en programas preventivos dirixidos a pacientes infantís e ortodónticos.
Posibles actividades e proxectos:
- Charlas e talleres en centros educativos sobre hixiene bucodental na infancia.
- Elaboración de materiais educativos para nenos e familias.
- Colaboración con ortodoncistas para crear recomendacións prácticas.
- Desenvolvemento de formacións para higienistas sobre hixiene durante a ortodoncia.
- Deseño de campañas escolares e actividades de sensibilización.
Comisión de Prótese
Coordinador: Francisco Pardo.
Mail:: comisionprotesis@hidegal.com
Obxectivo: Mellorar a formación e a atención en pacientes portadores de próteses dentais, fomentando a colaboración con protésicos dentais.
Posibles actividades e proxectos:
- Creación de guías prácticas para o mantemento de prótese removibles e fixas.
- Talleres e cursos sobre coidado de prótese e rehabilitacións orais.
- Colaboración con protésicos para elaboración de materiais informativos conxuntos.
- Organización de sesións formativas con especialistas.
- Xeración de contido divulgativo para pacientes
Comisión de Prevención e Saúde Pública Bucodental
Coordinadoras: Maite Pais y Loly Caamaño.
Mail:: comisionprevencionsaludpublica@hidegal.com
Obxectivo: Liderar campañas comunitarias e actividades de prevención para promover a saúde bucodental e o benestar social.
Posibles actividades e proxectos:
- Participación en feiras, eventos comunitarios e campañas de saúde pública.
- Deseño de materiais divulgativos e educativos para a cidadanía.
- Coordinación de charlas e talleres en asociacións e centros de saúde.
- Impulso a actividades de voluntariado e colaboración con ONGs.
- Creación de alianzas con institucións sanitarias e sociais para campañas conxuntas.
A túa participación é clave para que o noso Colexio siga crecendo e avanzando como comunidade profesional!
Horario de Atención
Horario habitual (Octubre a Mayo)
Horario de verano (Junio a Septiembre)
