Presentación
Hidegal

O Colexio Profesional de Hixienistas Dentais de Galicia pon ao dispor dos seus colexiados e da cidadanía esta nova plataforma dixital, que nace como un espazo de comunicación moderna, próxima e útil para todos.

A través da nosa web e redes sociais queremos fortalecer o vínculo cos nosos colexiados e coa sociedade, ofrecendo información, recursos e servizos que reflictan o dinamismo e a evolución da nosa profesión.

Un dos nosos principais obxectivos é impulsar a figura do higienista dental como profesional sanitario de referencia, destacando o seu papel esencial na prevención e promoción da saúde bucodental.

Desde o Colexio traballamos con compromiso e dedicación pola dignificación da profesión, a defensa dos dereitos laborais e o impulso da formación continuada, piares que garanten a excelencia no exercicio profesional e a confianza dos nosos pacientes.

Todas as persoas que formamos parte deste proxecto compartimos a mesma convicción: xuntos podemos seguir facendo crecer a hixiene dental en Galicia, con orgullo, profesionalidade e espírito de colaboración.